უკრაინაზე რუსეთის მასიური თავდასხმის ფონზე, მოლდოვის საჰაერო სივრცის დარღვევის 6 შემთხვევა დაფიქსირდა. ამის შესახებ ინფორმაციას მოლდოვის თავდაცვის სამინისტრო ავრცელებს.
უწყების ცნობით, ინციდენტებში ჩართული იყო სამი რაკეტა და სამი დრონი. მათი ნამსხვრევები მოლდოვის ოთხ სხვადასხვა რაიონში ჩამოვარდა. თავდაცვის უწყების მონაცემებით, ბოლო დრონმა მოლდოვის საჰაერო სივრცე ოდესის ოლქის მხრიდან გადაკვეთა და ტერიტორია ერთ წუთში, კვლავ უკრაინის მიმართულებით დატოვა.
