10 ნოემბერს მოლდოვაში ქართული დიასპორის წარმომადგენლებმა საქართველოს მესამე პრეზიდენტის, მიხეილ სააკაშვილის მხარდასაჭერად აქცია გამართეს.
აქციის მონაწილეები მოლდოვასა და საქართველოს დროშებით, აშშ-ისა და ევროკავშირის საელჩოებთან შეიკრიბნენ და დიპლომატიურ უწყებებს მხარდაჭერისკენ მოუწოდეს.
ქართული სათვისტომოს წარმომადგენლები ამბობენ, რომ მიხეილ სააკაშვილი პოლიტიკური პატიმარია და ის უკანონოდაა დაკავებული.