მოლდოვას არჩევნებზე პირველი ადგილი სოციალისტების პრორუსულმა პარტიამ დაიკავა, თუმცა მას მთავრობის ჩამოსაყალიბებლად საკმარისი ხმები არ ექნება. ბიულეტენების 97,5%-ის დათვლის შედეგები ასეთია – ამის შესახებ ინფორმაციას ადგილობრივი მედია ავრცელებს.
სოციალისტების პარტია, რომელსაც პრეზიდენტი იგორ დოდონი ხელმძღვანელობს, ხმების 31,4%-ს მიიღებს პარტიული სიით. ეს იმაზე ნაკლებია, ვიდრე სოციალური კვლევები ვარაუდობდნენ.
მეორე ადგილზე ოპოზიციური ბლოკი ACUM გავიდა 26,1%-ით – ეს წინასაარჩევნო პროგნოზზე მეტი მაჩვენებელია. მმართველმა დემოკრატულმა პარტიამ, რომელსაც მოლდოვას ყველაზე მდიდარი ოლიგარქი ვლად პლახოტნიუკოვი ხელმძღვანელობს, 24% აიღო. დემოკრატები ევროპულ მიმართულებას დეკლარირებენ, მაგრამ მათ კორუფციულ გარიგებებში სდებენ ბრალს.
მოლდოვას საპარლამენტო არჩევნები შერეული სისტემით ხდება – დეპუტატების ნახევარს პარტიული სიით ირჩევენ, ნახევარს კი მაჟორიტარული ოლქებიდან
