აშშ-სა და რუსეთს შორის შეიარაღებული მარათონი ცივი ომის დონის გახდა, ამერიკულ არმიას კი დაფინანსება აკლია, რომ პოტენციურ მოწინააღმდეგეებს წინ აღუდგეს. იმისათვის, რომ რუსეთს ეფექტური წინააღმდეგობა გაუწიოს, საჭიროა პენტაგონს დაფინანსება გაეზარდოს – ასეთ დასკვნამდე მიდიან მოხსენების ავტორები, რომელიც აშშ-ს კონგრესის შეკვეთით მომზადდა – “ბიბისი” წერს.
ამერიკის შეიარაღებული ძალები ჩინეთთან და რუსეთთან ომში დამარცხდებიან – მოხსენებაში ექსერტები ამბობენ. კომისია, რომელშიც სამხედრო ექსპერტები შედიან, ორივე პარტიას წარმოადგენენ. კომისიამ აშშ-ს ახალი თავდაცვითი სტრატეგია გააანალიზა, რომელიც 2018 წლის იანვარში წარადგინა პენტაგონმა. სულ, კომისიაში 12 ექსპერტი შედიოდა, ისინი კონგრესმა წარადგინა.
“აშშ-ს შეიარაღებული ძალები აუცილებლად დამარცხდებიან თავის მომავალ კონფლიქტში” – ნათქვამია მოხსენებაში. “ჩინეთთან ომში ძლივს გაიმარჯვებს, ან სულაც დამარცხდება” – წერენ ექსპერტები. მათი აზრით, ამერიკულ არმიას ინოვაცია და უპირატესობა აკლია, რომლითაც ის ჩინეთის და რუსეთის არმიას გადაასწრებს შეიარაღებულ მარათონში, რომელიც ცივ ომს გავს” – წერია მოხსენებაში.
საერთო ჯამში კომისიამ პენტაგონს 32 რეკომენდაცია მისცა.
ეროვნული უსაფრთხოების საკითხებში დონალდ ტრამპის მრჩეველმა ჯონ ბოლტონმა ადრე განაცხადა, რომ სამხედრო ბიუჯეტის გაზრდის საშუალება ამ მომენტისთვის არ არსებობს.