“მოხდება მძღოლის სივრცის იზოლირება ავტობუსის დანარჩენი ნაწილისგან და უსაფრთხოების დისტანციის დაცვა”

თბილისის ავტობუსებში გარკვეული მომსახურების წესები იცვლება, – ამის შესახებ თბილისის მერმა, კახა კალაძემ დღევანდელ ბრიფინგზე განაცხადა.

კალაძის თქმით, მოხდება მძღოლის სივრცის იზოლირება ავტობუსის დანარჩენი ნაწილისგან და უსაფრთხოების დისტანციის დაცვა.

„საზოგადოებამ იცის, რომ ყოველდღიურად ხდება თბილისის მეტროს და ავტობუსების დეზინფექცია და მაქსიმალურად არის დაცული ჰიგიენის ნორმები. ასევე, ხვალიდან თბილისის ავტობუსებში შეიცვლება გარკვეული მომსახურების წესები. მოხდება მძღოლის სივრცის იზოლირება ავტობუსის დანარჩენი ნაწილისგან და უსაფრთხოების დისტანციის დაცვა. მოქალაქეები ისარგებლებენ ავტობუსის მხოლოდ უკანა კარებით და მძღოლთან უშუალო შეხებაში აღარ იქნებიან. ეს აუცილებელი ღონისძიებაა, ავტობუსის მძღოლების უსაფრთხოების დაცვისთვის და შესაბამისად მგზავრების უსაფრთხო მომსახურებისთვის“,- განაცხადა დედაქალაქის მერმა.

banner
წინა სტატიაში„საქართველოს რკინიგზა“ სატრანზიტო-საკონტეინერო გადაზიდვებთან დაკავშირებით ახალი ინიციატივით გამოდის
შემდეგი სტატიაპატიმრები უფასო სატელეფონო ზარებით ისარგებლებენ