მოძრაობა „სირცხვილიას“ წარმომადგენლები პარლამენტთან ადმინისტრაციული წესით დაკავებული სამი პირის სასამართლო პროცესის პარალელურად საქალაქო სასამართლოსთან საპროტესტო აქციას მართავენ.
მათი განცხადებიით, აქციის მონაწილეები უკანონოდ დააკავეს.
„ბუნებრივია, ვაპროტესტებთ იმას, რაც ხდება ამ შენობაში და მთელ ქვეყანაში. არჩევნები ხომ წაგვართვეს, ხომ დაგვაბრმავეს, ახლა არაფრის გამო იჭერენ ადამიანებს და სცემენ პოლიციის შენობასი. ეს არის სისიტემა, რომელიც უნდა დაინგრეს და აუცილებლად დაინგრევა. გავაპროტესტებთ ბოლომდე, გავაპროტესტებთ სადაც საჭირო იქნება, ყველგან მივალთ, ყველა ელჩთან, ყველა საერთაშორისო ორგანიზაციასთან, არ დავტოვებთ არც ერთ შემთხვევაში. ამათგან არანაირი პოზიტიური მოლოდინი არ არსებობს“,- განაცხადა გიგა მაქარაშვილმა.