“მოძრაობა საქართველოსთვის” დღეს პარლამენტთან კომენდანტის საათს ისევ დაარღვევს. აქტივისტები ამჯერად საქართველო-ესპანეთის საფეხბურთო მატჩის პირდაპირ ტრანსლაციას დედაქალაქის მთავარ მოედანზე გამართავენ.
კარვების ქალაქში მზადება 2 საათიდან დაიწყება, სადაც აქტივისტები გულშემატკივრებისთვის სპეციალურ ეკრანს დაამონტაჟებენ. “მოძრაობა საქართველოსთვის” წევრები მოქალაქეებს, რომლებმაც საფეხბურთო მატჩისთვის ბილეთების შეძენა ვერ მოახერხეს, მოუწოდებენ რომ მივიდნენ რუსთაველის გამზირზე და უგულშემატკივრონ საქართველოს ნაკრებს.
