“მმართველი პარტიის დაუნდობელი ნაბიჯი, რათა ჩაახშოს თავისუფალი პოლიტიკური ცხოვრება და საქართველო რუსულ მოდელისკენ მიათრიოს”, – ასე ეხმაურება, საქართველოს მეხუთე პრეზიდენტი, სალომე ზურაბიშვილი “ქართული ოცნების” მიერ, “გრანტების შესახებ”, კანონის გამკაცრებას.
ზურაბიშვილი ხელისუფლების მიერ აღნიშნულ გადაწყვეტილებას, ქვეყნის რუსული მოდელის მიმართულებით წაყვანად აფასებს.
“ტერორი საქართველოში – ახალი რეპრესიული კანონი უკრძალავს პარტიულ წევრობას მათ, ვინც საზღვარგარეთიდან დაფინანსებულ არასამთავრობო ორგანიზაციებში მუშაობდა! მმართველი პარტიის დაუნდობელი ნაბიჯი, რათა ჩაახშოს თავისუფალი პოლიტიკური ცხოვრება და საქართველო რუსულ მოდელისკენ მიათრიოს,” – წერს სალომე ზურაბიშვილი.
შეგახსენებთ, რომ ცვლილების მიხედვით, პირს, ვინც უცხოეთიდან დაფინანსებულ ორგანიზაციაში მუშაობდა, 8 წლით პოლიტიკური პარტიის წევრობა ეკრძალება.
