მკვლელობა ხორავას ქუჩაზე – საქმეში ბრიტანელი ექსპერტები ერთვებიან

ქეთი ფერაძე
ავტ.: ქეთი ფერაძე აპრილი 26, 2018 10:32

მკვლელობა ხორავას ქუჩაზე – საქმეში ბრიტანელი ექსპერტები ერთვებიან

ხორავას ქუჩაზე მომხდარი მკვლელობის საქმის სასამართლო პროცესი, ბრალდების მხარის მტკიცებულებების გამოკვლევით განახლდება.

სხდომაზე ის მოზარდები დაიკითხებიან, რომლებიც მკვლელობის დღეს შემთხვევის ადგილზე იმყოფებოდნენ.

პარალელურად ცნობილი ხდება, რომ საქმეში დაცვის მხარის მოთხოვნით ბრიტანელი ექსპერტები ერთვებიან, რომლებიც ალტერნატიულ ექსპერტიზას მოამზადებენ.

სწორედ სამხარაულის ბიუროს დასკვნამ გააჩინა კიდევ უფრო მეტი კითხვა 51-ე სკოლის მოსწავლეების საქმეში, რომელიც პროკურატურამ სასამართლოს წინა სხდომაზე წარუდგინა.

„სკოლის რამდენიმე მოსწავლე არის დარჩენილი, რომელიც არის ძალიან მნიშვნელოვანი მოწმე, რომელსაც ძალიან სერიოზული ინფორმაციის მიწოდება შეუძლია სასამართლოსთვის. სავარაუდოდ დღეს აღნიშნულ მოწმეს წარმოადგენს ბრალდების მხარე.

ბრიტანელი ექსპერტების ჩართვა მე ვფიქრობ, ძალიან კარგია. მეც დანიშნული მაქვს ექსპერტიზა, დანიშნული აქვს მეორე მხარესაც, უცხოელი ექსპერტები ჩაერთვებიან და ნათელი უნდა მოეფინოს ამ საქმეს,“-განაცხადა ერთ-ერთი დაკავებული მოზარდის ადვოკატმა ინგა შარაშენიძემ.

ქეთი ფერაძე
ავტ.: ქეთი ფერაძე აპრილი 26, 2018 10:32

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,597
ვიზიტორი
დღეში
Powered By Google Analytics