დიდი ბრიტანეთის თავდაცვის მინისტრმა ჰევინ უილიამსონმა, მიუნხენის უსაფრთხოების საერთაშორისო კონფერენციაზე სიტყვით გამოსვლისას პარასკევს, 15 თებერვალს რუსეთს “ძველი მოწინააღმდგე” და ევროპაში “სიმშვიდის საფრთხე” უწოდა. “ჩვენ ვხედავთ, როგორი დაუნდობელია რუსეთი” – თქვა მან და აღნიშნა, რომ ნატო ევროპის უსაფრთხოების გარანტიაა, რაც “იმაზე მნიშვნელოვანია, ვიდრე ოდესმე” – “დოიჩე ველე” წერს.
საკუთარი სიტყვების დასტურად მინისტრმა რუსეთის მიერ უკრაინის ანექსია, აშშ-ს არჩევნებში ჩარევა და კიბერშეტევები გაიხსენა. ამავე დროს, უილიამსონი თვლის, რომ მოსკოვთან დიალოგი უნდა გაგრძელდეს. “ჩვენ ღია ვართ სხვა ტიპის ურთიერთობისთვის. დიალოგის შესაძლებლობა უცვლელია” – განაცხადა ბრიტანელმა მინისტრმა.
