მიუღებელია ასეთი ძალადობრივი გზით ხალხზე ზემოქმედება, აუცილებელია ახსნა-განმარტება და შეთანხმების მიღწევა – პანკისის ხეობის უხუცესი

თაიმერი timer.ge
: თაიმერი timer.ge აპრილი 21, 2019 12:55

მიუღებელია ასეთი ძალადობრივი გზით ხალხზე ზემოქმედება, აუცილებელია ახსნა-განმარტება და შეთანხმების მიღწევა – პანკისის ხეობის უხუცესი

პანკისის ხეობის უხუცესის ხასო ხანგოშვილის განცხადებით, თუ ხეობაში ჰესი მაინც აშენდება, მაშინ ადგილობრივმა მოსახლეობამ სარგებელი უნდა მიიღოს. ის ძალადობრივ მეთოდებს არ იზიარებს და აცხადებს, რომ აღნიშნული საკთხები მოლაპარაკებების გზით უნდა გადაწყდეს.

„ყოვლად მიუღებელია ასეთი ძალადობრივი გზით ხალხზე ზემოქმედება და რამის მიღწევა. მე ყოველთვის ვამბობდი, რომ აუცილებელია ახსნა-განმარტება და ამ კუთხით შეთანხმების მიღწევა. ყოველთვის მომხრე ვარ მოლაპარაკების. მე თვითონ ადგილზე არ ვიყავი და არ ვარ შესწრე დღეს განვითარებული მოვლენების,მაგრამ უნდა აიწონოს-დაიწონოს ყველაფერი. ჩვენი პოზიციაა, რომ თუ აქ სახელმწიფოს ინტერესებია ჩადებული და სახელმწიფო მაინც ააშენებს ამ ჰესს, მაშინ რაც შეიძლება მეტი სარგებელი უნდა მივიღოთ კომპანიისგან. კომპანია ძალიან ბევრს გვპირდება და ეს თუ შესრულდა, სხვა საკითხია, მაგრამ მაინც ხალხი გადაწყვეტს ამ საკითხს. ჩვენ უხუცესები ვართ და ასეთ აქციებში არ ვერევით“,-განაცხადა ხასო ხანგოშვილმა.

პანკისის ხეობის სოფელ ბირკიანში პოლიციასა და ადგილობრივებს შორის დაპირისპირება ჰესის მშენებლობის დაწყებას მოჰყვა. პოლიციამ ცრემლსადენი გაზი და რეზინის ტყვიები გამოიყენა. დაშავებულია რამდენიმე ადამიანი.

თაიმერი timer.ge
: თაიმერი timer.ge აპრილი 21, 2019 12:55

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics