პატრიარქობის კანდიდატის ასაკთან დაკავშირებით, დღევანდელ სინოდზე გადაწყვეტილება არ მიუღიათ, – განაცხადა მესტიისა და ზემო სვანეთის მიტროპოლიტმა ილარიონმა.
მიტროპოლიტის განცხადებით, დადგენილება არ შეცვლილა და სასულიერო პირები სამებაში კიდევ შეიკრიბებიან.
,,საორგანიზაციო საკითხები იყო, რაც შემდეგ სინოდზე უნდა იყოს განხილული. დადგენილება არ შეიცვალა – როცა ახალი პატრიარქი იქება დადგენილი, დადგენილება მერე უნდა შეიცვალოს. სამებაში უნდა შევიკრიბოთ,” – განაცხადა მესტიისა და ზემო სვანეთის მიტროპოლიტმა.
ეპისკოპოსები დახურულ კარს მიღმა 5 საათის განმავლობაში მსჯელობენ კრიტერიუმებზე, რომლითაც ქართული ეკლესიის ახალი მეთაური უნდა შეარჩიონ. დღევანდელი შეხვედრის მთავარი განსახილველი საკითხი კანდიდატის ასაკი და განათლება იყო.
