ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების მინისტრი სოზარ სუბარი უარყოფს გავრცელებულ ინფორმაციას იმის შესახებ, რომ მინისტრთა კაბინეტში ცვლილებების განხორციელებაა დაგეგმილი, – ასე უპასუხა ჟურნალისტების კითხვას სოზარ სუბარმა, რომელიც მინისტრების შესაძლო შეცვლას ეხებოდა.
“არანაირი ცვლილებები არ იგეგმება და არანაირი ცვლილებები არ ხდება დღეს. ამაზე აქტიურად ლაპარაკობთ თქვენ და არა სხვა ვინმე. ეს არ ნიშნავს, რომ ცვლილებები არ მოხდება, არ იგეგმება, მაგრამ ცვლილებები ყოველთვის არის. თუმცა დღეს ეს ისეთი თემა არ არის, რომელიც ყოველთვის უნდა ვატრიალოთ, როცა მსგავსი არაფერი ხდება”, – განუცხადა ჟურნალისტებს სოზარ სუბარმა.
