მინდა ვამხილო „ქართული ოცნება“ უსინდისო ტყუილებში, რომელსაც ისინი საზოგადოებას უკვე არაერთი კვირაა სთავაზობენ – სალომე სამადაშვილი

მინდა ვამხილო „ქართული ოცნება“ უსინდისო ტყუილებში, რომელსაც ისინი საზოგადოებას უკვე არაერთი კვირაა სთავაზობენ – დღეს რას სთხოვს ევროკავშირი „ქართულ ოცნებას“ კანდიდატის სტატუსის მისაღებად, ეს არის სწორედ ის, რასაც ჩვენ ვამბობდით ბრიუსელიდან დაბრუნების დღიდან, – ამის შესახებ „ლელოს“ დეპუტატმა, სალომე სამადაშვილმა ბრიფინგზე განაცხადა.

ევროკავშირის წევრობის კანდიდატის სტატუსის მინიჭებასთან დაკავშირებით, ევროკომისიის დასკვნის შესახებ საუბრისას, ოპოზიციონერმა პოლიტიკოსმა აღნიშნა, რომ დღეს საქართველოს ხელისუფლება ტყუილებში არის მხილებული.

როგორც სამადაშვილმა აღნიშნა, ევროპულ პერსპექტივას ქართველი ხალხი იმსახურებს და არა „ქართული ოცნება”.

„მინდა ვამხილო „ქართული ოცნება“ უსინდისო ტყუილებში, რომელსაც ისინი საზოგადოებას უკვე არაერთი კვირაა სთავაზობენ: პირველი ტყუილი იყო, თითქოს ოპოზიცია ცდილობს, რომ ხელი შეუშალოს ჩვენს ქვეყანას კანდიდატის სტატუსის მიღებაში. თქვენ თუ ნახავთ დღეს, რას სთხოვს ევროკავშირი „ქართულ ოცნებას“ კანდიდატის სტატუსის მისაღებად, ვნახავთ, რომ ეს არის სწორედ ის, რასაც ჩვენ ვამბობდით ბრიუსელში დაბრუნების დღიდან, – დაბრუნდით მიშელის შეთანხმებაში, სასამართლო რეფორმის მიმართულებით, გადადგით შესაბამისი ნაბიჯები იმისთვის, რომ ჩვენს ქვეყანას მიეცეს რაიმე შანსი. „ქართული ოცნება“ რეალურად არის მხილებული. მინდა, რომ საზოგადოებას ესმოდეს, „ქართული ოცნება“, ბრიუსელში და ევროკავშირში დღეს ითვლება, რომ არ იმსახურებს ევროპულ პერსპექტივას. ევროპულ პერსპექტივას იმსახურებს ქართველი ხალხი და მათ შორის ჩვენი, ოპოზიციის ძალიან დიდი ძალისხმევის და კონკრეტულად, „ლელოს“ დამსახურებით“, – განაცხადა სალომე სამადაშვილმა.

წინა სტატიაშიპრემიერ-მინისტრი ირაკლი ღარიბაშვილი ევროპისა და ევრაზიის საკითხებში აშშ-ის სახელმწიფო მდივნის თანაშემწეს კარენ დონფრიდს შეხვდა
შემდეგი სტატიადედაქალაქში მწვანე ნარგავების დაზიანებისა თუ თვითნებური გაჩეხვისთვის დაწესებული ჯარიმის ოდენობა გაიზრდება