მიხეილ სააკაშვილს პირადი ექიმი, ნიკოლოზ ყიფშიძე ხვდება. როგორც მან საპატიმროში შესვლის წინ, ჟურნალისტებს განუცხადა, დღეს სააკაშვილის კლინიკაში გადაყვანაზე საუბარი არ იქნება.
„საავადმყოფოში გადაყვანაზე საუბარი დღეს ალბათ არ იქნება. ახლა მინდა გავიარო ახალი ანალიზები. რუტინული კვლევების, სისხლის საერთო ანალიზის პასუხები უნდა იყოს. ორგანიზმზეა ყველაფერი დამოკიდებული“, – განაცხადა სააკაშვილის პირადმა ექიმმა.
10 ოქტომბერს, მიხეილ სააკაშვილის პირადმა ექიმმა ნიკოლოზ ყიფშიძემ განაცხადა, რომ სააკაშვილის მდგომარეობა დამძიმდა. როგორც ექიმი განმარტავს, ეს შიმშილობის გამო მოხდა და უჭირს საუბარი და მოძრაობა.
მიხეილ სააკაშვილი 10 დღეა შიმშილობს.
