მიხეილ სააკაშვილმა ოდესის ოლქის გუბერნატორის თანამდებობიდან წასვლის შესახებ განცხადება, უკრაინის პრეზიდენტის ადმინისტრაციაში უკვე გააგზავნა.
ამის შესახებ უკრაინულ მედიას სააკაშვილის პრესმდივანმა დარინა ჩიჟმა განუცხადა. მისი თქმით, სააკაშვილი ელოდება, როდის დააკმაყოფილებს პეტრო პოროშენკო მის განცხადებას.
შეგახსენებთ, უკრაინის ოდესის ოლქის ადმინისტრაციის ხელმძღვანელმა მიხეილ სააკაშვილმა გადადგომის შესახებ განცხადება დღეს, სპეციალურად გამართულ პრესკონფერენციაზე გააკეთა. სააკაშვილმა ხელისუფლება კორუფციის მხარდაჭერაში დაადანაშაულა. ის აღნიშნულ თანამდებობას 2015 წლის 30 მაისიდან იკავებდა.