საქართველოს მესამე პრეზიდენტის მიხეილ სააკაშვილის სასამართლო პროცესი ე.წ. 7 ნოემბრის საქმეზე გადაიდო. პროცესის გადადების მიზეზი ის გახდა, რომ საქმეში ფიგურანტი ერთ-ერთი პირის ადვოკატი სხდომაზე არ გამოცხადდა.
როგორც სასამართლოში განმარტეს, სახაზინო ადვოკატის პროცესზე არ მისვლის მიზეზი ჯანმრთელობის მდგომარეობაა.
მიხეილ სააკაშვილის ადვოკატმა მოსამართლეს მიმართა, რომ მესამე პრეზიდენტს სიტყვით მიმართვის შესაძლებლობა მისცემოდა, რაზეც სასამართლომ უარი განაცხადა.
შემდეგი პროცესი 11 მარტს 11:30 საათზე გაიმართება.
