რუსთავში, N12 პენიტენციურ დაწესებულებასთან, „ნაციონალური მოძრაობის“ აქციის დასრულების შემდეგ, რამდენიმე პირმა საპატიმროს წინ კარავი გაშალა.
გელა უდუმაშვილის განცხადებით, ისინი სამოქალაქო აქტივისტები არიან და ხუთი პირი აპირებს კარავში დარჩენას. მისივე თქმით, პროტესტს არ შეწყვეტენ, ვიდრე მიხეილ სააკაშვილი არ გათავისუფლდება.
ასევე, როგორც კარავში მყოფები ამბობენ, მათ კანონის მოთხოვნა დაცული აქვთ და ადმინისტრაციული შენობიდან 20 მეტრის მოშორებით იმყოფებიან.
ისინი ამბობენ, რომ კარვის დადგმისას სამართალდამცველების მხრიდან რაიმე აკრძალვას ადგილი არ ჰქონია.
