მიხეილ სააკაშვილის ამერიკელი უფლებადამცველი ჯონ სენდვიჯი საქართველოს ჯანდაცვის მინისტრს, ეკატერინე ტიკარაძესა და იუსტიციის მინისტრს, რატი ბრეგაძეს სპეციალური წერილით მიმართავს

მიხეილ სააკაშვილის ამერიკელი უფლებადამცველი ჯონ სენდვიჯი საქართველოს ჯანდაცვის მინისტრს, ეკატერინე ტიკარაძესა და იუსტიციის მინისტრს, რატი ბრეგაძეს სპეციალური წერილით მიმართავს.

განცხადებაში სენდვიჯი შეშფოთებას გამოხატავს მიხეილ სააკაშვილის უკანონო პატიმრობასა და მისი პატიმრობის პირობებზე. სენდვიჯი წერს, რომ მიხეილ სააკაშვილის მიმართ საქმეები პოლიტიკურად მოტივირებულია.

წერილში ასევე საუბარი შეეხება მიხეილ სააკაშვილის გლდანის მე-18 სასჯელაღსრულების სამკურნალო დაწესებულებაში შესაძლო გადაყვანას. სენდვიჯი წერს, რომ ეს დაუშვებელია. ის მიხეილ სააკაშვილის სამოქალაქო კლინიკაში გადაყვანას ან პატიმრობიდან გათავისუფლებას მოითხოვს:

ჩვენ გამოვხატავთ ღრმა შეშფოთებას მისი პატიმრობის პირობებთან და იმ სამედიცინო დახმარების არაადეკვატურობასთან დაკავშირებით, რომელსაც უწევთ. პრეზიდენტ სააკაშვილის დაკავება, როგორც ჩანს, არღვევს არა მხოლოდ თქვენს ნაკისრ ვალდებულებას, არამედ საერთაშორისო კანონსაც.

როგორც მოგეხსენებათ, სახელმწიფოს ვალდებულებაა, რომ უზრუნველყოს იმ პირთა კეთილდღეობა, რომლებიც პატიმრობაში იმყოფებიან. ეს ვალდებულება ვრცელდება დაკავებულის ჯანმრთელობისა და უსაფრთხოების დასაცავად საკმარისი სამედიცინო დახმარების გაწევაზე [….]

სამწუხაროდ, პრეზიდენტ სააკაშვილის ჯანმრთელობის მდგომარეობა, მისი დაკავების შემდეგ, სტაბილურად უარესდება. მიუხედავად მისი ჯანმრთელობის საგანგაშო გაუარესებისა, იუსტიციის მინისტრი უარს ამბობს, მის სამოქალაქო საავადმყოფოში გადაყვანაზე. ამის ნაცვლად, პრეზიდენტი სააკაშვილი რჩება რუსთავის საპატიმროში – დაწესებულებაში, რომელიც მოუმზადებელია
გადაუდებელი სამედიცინო დახმარებისთვის ან იმისთვის, რომ უზრუნველყოს მისი ჯანმრთელობა და უსაფრთხოება.

ვიცით, რომ პრეზიდენტი სააკაშვილი შიმშილობს. თუმცა, ეს შიმშილობა არ ათავისუფლებს საქართველოს ადამიანის უფლებათა ევროპული კონვენციით ნაკისრი სამართლებრივი ვალდებულებისგან [….]

გვესმის, რომ იუსტიციის მინისტრი აპირებს, პრეზიდენტი სააკაშვილი მე-18 სამკურნალო დაწესებულებაში გადაიყვანოს. როგორც მაღალი დონის პატიმარი, ეს შეუსაბამოა. ეს გადაყვანა სავარაუდოდ, გამოიწვევს პრეზიდენტ სააკაშვილის მიმართ ფიზიკურ ანგარიშსწორებას მისი პრეზიდენტობის დროს პატიმრობაში მყოფი პირების მხრიდან, ასევე დაექვემდებარება პრეზიდენტ სააკაშვილის უხარისხო სამედიცინო მომსახურებას.

ეს დაარღვევს საქართველოს ვალდებულებებს, პრეზიდენტ სააკაშვილის ჯანმრთელობისა და უსაფრთხოების შენარჩუნებისა და დაცვის შესახებ[…]

ჩვენს შეშფოთებას აძლიერებს პრეზიდენტ სააკაშვილის პატიმრობის უაღრესად პოლიტიკური ხასიათი. მისი დაკავების საეჭვო გარემოებებისა და წინასწარი ნასამართლობის გათვალისწინებით. სახელმწიფოს პასუხისმგებლობა მისი კეთილდღეობის დაცვაზე გაზრდილია და კიდევ უფრო მეტად შემაშფოთებელია.

იმისათვის, რომ შეასრულოთ ნაკისრი ვალდებულებები და საერთაშორისო სამართლის მანდატები ადამიანის უფლებების დაცვასთან დაკავშირებით, თქვენ დაუყოვნებლივ უნდა გადაიყვანოთ პრეზიდენტი სააკაშვილი სამოქალაქო საავადმყოფოში, ან, უფრო შესაბამისი იქნებოდა, რომ გაათავისუფლოთ ის უკანონო და პოლიტიკურად მოტივირებული პატიმრობიდან. ჩვენ ველით თქვენს დადასტურებას, რომ მსგავსი ზომები მიღებული იქნება”,-ნათქვამია განცხადებაში.

ცნობისთვის, საქართველოს მესამე პრეზიდენტი “ოცნების” ხელისუფლებამ 1 ოქტომბერს დააკავა. მიხეილ სააკაშვილი რუსთავის ციხეში უკვე 28-ე დღეა, შიმშილობს.

წინა სტატიაშიირაკლი ღარიბაშვილი: სირცხვილია, რომ ეს კაცი იყო ჩვენი ქვეყნის პრეზიდენტი, მე პირადად მრცხვენია და რა თქმა უნდა, ეს ტრაგედია და კატასტროფაა
შემდეგი სტატიაირაკლი ღარიბაშვილი- სააკაშვილს კერძო კლინიკაში თუ გადავიყვანდით, 4-5 ათასი ადამიანის მობილიზებას შეძლებდნენ და მოგვიწევდა მუდმივი ქაოსი, პოლიციას მოუწევდა ძალის გამოყენება, ჩვენ ამ პროვოკაციას რა თქმა უნდა, არ დავუშვებთ