“ბაყაყებს გვალვა დაუდგათ და აყიყინდნენ. ეს არსება მცხეთა მთიანეთის გუბერნატორი იყო ჩემ დროს და დღედაღამ ლოთობდა და ქრთამებს იღებდა, ამის გამო მოვხსენით.
მოხსნის მერე ამბავი ატეხა, სანდრას მამამ მისაქციელში სახლი აიშენაო (ეს იყო 50 კვ.მ ხის საზაფხულო ქოხი). ჩამოჯდა “იმედზე” და დაიწყო ამაზე ტვინის წაღება. ხოდა სანდრას მამამ ედუარდმა, პრობლემა არ მინდაო და ის ხის სახლი 3 დღეში დაშალა.
ახლა მე მაინტერესებს მაღლაფერიძე რამხელა სახლში ცხოვრობს, აუცილებლად მოვიკითხავ”,_ ამ განცხადებით ეხმაურება საქართველოს მესამე პრეზიდენტი მიხეილ სააკაშვილი საზოგადოებრივი მაუწყებლის სამეურვეო საბჭოს თავმჯდომარის, ვასილ მაღლაფერიძის განცხადებას, რითაც ის ბრიტანეთის მიერ დასანქცირებულ “იმედს” და “პოსტივის” სოლიდარობას უცხადებს.
ცნობისთვის, ვასილ მაღლაფერიძემ განაცხადა: რაც შემეძლება გვერდში დავუდგები და მხარს დავუჭერ ტელეკომპანია “პოსტივის” და ტელეკომპანია “იმედს”.
