მიხეილ სააკაშვილი პირადი დაცვის მომსახურებაზე უარს აცხადებს. ამის შესახებ ოდესის გუბერნატორმა facebook-ის გვერდზე დაწერა და უკრაინის უშიშროების სამსახურს ოფიციალური წერილით აცნობა.
ოდესის გუბერნატორის ამ გადაწყვეტილებას წინ უძღოდა ბრალდებები მის მიმართ. ცოტა ხნის წინ მიხეილ სააკაშვილი საომარ ზონაში იმყოფებოდა და უკრაინელ მებრძოლებს შეხვდა. ამ ვიზიტის ამსახველი კადრები კი ინტერნეტით გავრცელდა.
ვიდეო მასალაში ჩანდა უკრაინელთა პოზიციები, რის გამოც ოდესის გუბერნატორი გააკრიტიკეს. გავრცელდა ცნობა, რომ უკრაინის შინაგან საქმეთა სამინისტრომ გამოძიებაც დაიწყო, თუმცა უწყებამ ეს ფაქტი არ დაადასტურა.
