საქართველოს მესამე პრეზიდენტი მიხეილ სააკაშვილი 26 მაისის დაგეგმილ საპროტესტო აქციას ეხმაურება და „ნაციონალური მოძრაობის“ ყოფილი თავმჯდომარის, ლევან ხაბეიშვილის ინიციატივას სრულ მხარდაჭერას უცხადებს.
სააკაშვილის განცხადებით, დამოუკიდებლობის დღის აქცია არ უნდა იყოს მხოლოდ ერთჯერადი ღონისძიება, არამედ ქვეყნის მასშტაბით ფართო მოძრაობის დასაწყისად უნდა იქცეს.
„26 მაისის აქციას, რომელსაც მე მხარს ვუჭერ, ყველამ უნდა აღვნიშნოთ. თუმცა, ეს არ უნდა იყოს ცალკეული, ეპიზოდური აქცია, არამედ უნდა გადაიზარდოს თანმიმდევრულ, საპროტესტო გაშლილ ფრონტში — საქართველოს გასათავისუფლებლად.
მხარს ვუჭერ ლევან ხაბეიშვილის მიმართვას, რომ დროშის გარშემო გაერთიანებულებმა უნდა გამოვიჩინოთ კიდევ მეტი გაბედულება და გადავიდეთ შეტევაზე“, — წერს მიხეილ სააკაშვილი.
