მიხეილ სააკაშვილი: ივანიშვილი აფინანსებდა ტრამპს

საქართველოს მესამე პრეზიდენტი მიხეილ სააკაშვილი ამბობს, რომ ამერიკის საპრეზიდენტო არჩევნებში დონალდ ტრაპის გამარჯვებით რუსეთი იყო დაინტერესებული და ტრამპს, ბიძინა ივანიშვილი, პრეზიდენტ ტრამპის სიძის მეშვეობით, უკანონოდ აფინანსებდა.

“ყველამ იცის, რომ ივანიშვილი აფინანსებდა ტრამპს. აფინანსებდა, მისი სიძის, კუშნერის მეშვეობით; ამაზე აუცილებლად იქნება გამოძიება ახლა ამერიკაში.

ჩემთვის ძნელია დაჯერება ბოლომდე, რომ ტრამპი იყო რუსული პროექტი. თუმცა, ის, რომ რუსეთი დაინტერესებული იყო ტრამპის გამარჯვებაში ეს არანაირ ეჭვს არ იწვევს. იმიტომ რომ ბაიდენი, თავისი შეხედულებებით, არის მკვეთრად ანტირუსული, მთელ თავის გუნდთან ერთად.

მეორე – მაგალითად ცენტრალურ სადაზვერვო სააგენტოს დირექტორად დანიშნა ყოფილი ელჩი მოსკოვში, რომელის არის ძალიან მკაცრი პოზიციით ცნობილი. შექმნა ცალკე განყოფილება ეროვნული უშიშროების საბჭოში, ეს საკმაოდ უპრეცედენტოა.”, – თქვა მიხეილ სააკაშვილმა

მიხეილ სააკაშვილისვე თქმით, აშშ-ში გამოძიება დაიწყება ტრამპის დაფინანსებაზე.

“აუცილებლად იქნება გამოძიება უკანონო დაფინანსებაზე კამპანიების უცხოეთიდან და იქ აუცილებლად ამოვარდება ივანიშვილის გვარი, დარწმუნებული ვარ იმიტომ,რომ ივანიშვილს ჰყავდა დაქირავებული მთელი ლობისტური კამპანიები”, – თქვა მიხეილ სააკაშვილმა

საქართველოს მესამე პრეზიდენტმა ასევე ისაუბრა ბიძინა ივანიშვილის პოლიტიკიდან მეორედ “წასვლაზე”. მიხეილ სააკაშვილის თქმით, ივანიშვილის შეხვდა აშშ-ს ელჩი და უთხრა, რომ ის პოლიტიკიდან უნდა წასულიყო.

შეგახსენებთ, რომ ბიძინა ივანიშვილმა, 11 იანვარს, განაცხადა, რომ “ოცნების” თავმჯდომარის თანამდებობას ტოვებს და პოლიტიკიდან ისევ მიდის. ბიძინა ივანიშვილმა ვრცელი გამოსამშვიდობებელი წერილიც დაწერა.

banner
წინა სტატიაშიივანიშვილს შეხვდა აშშ-ის ელჩი და უთხრა, ჩვენი მოთხოვნაა წახვიდე პოლიტიკიდან – მიხეილ სააკაშვილი
შემდეგი სტატიაეკატერინე ტიკარაძე: ინფექციური საავადმყოფოსთვის შენობა შეძენილია და წლის ბოლოსთვის ბატონი თენგიზი პაციენტების მიღებას შეძლებს