რეზო გაბრიაძის გარდაცვალებას მესამე პრეზიდენტი ეხმაურება და მასთან ერთად, სხვადასხვა დროს გადაღებულ ფოტოებს აქვეყნებს.
“გენიალურმა რეზო გაბრიაძემაც დაგვტოვა – ქუთაისის და საქართველოს სიამაყემ.
ბავშვობიდან ძალიან მიყვარდა, პირადად ვიცნობდი და ვამაყობდი, რომ ვიცნობდი.
ოდესის მმართველი რომ გავხდი, მაშინ განსაკუთრებით დავაფასე იმიტომ, რომ ყველა ოდესელმა არა მხოლოდ სახელი იცის რეზო – პრაქტიკულად მისი ციტატებით მელაპარაკებოდა ბევრი.
ეს იყო მართლაც ძალიან დიდი მასშტაბის ქართველი ხელოვანი, რომელიც ალბათ არასათანადოდ დავაფასეთ ცხოვრებაში.” წერს მიხეილ სააკაშვილი