საქართველოს ექს-პრეზიდენტი, უკრაინის “ახალ ძალთა მოძრაობის” ლიდერი მიხეილ სააკაშვილი 22 დეკემბერს დაბარებულია დაკითხვაზე უკრაინის სახელმწიფო უშიშროების სამსახურის კიევის სამმართველოში. ამის შესახებ სააგენტო “Интерфакс-Украина”-ს განუცხადა სანდო წყარომ სამართალდამცავი უწყებიდან.
შეგახსენებთ, 18 დეკემბერს მიხეილ სააკაშვილი დაკითხვაზე მივიდა გენპროკურატურაში, სადაც განაცხადა, რომ მისი საქმე უნდა განიხილოს უშიშროების სამსახურმა. “როდესაც ამ საქმეს გადასცემენ უშიშროების სამსახურს, მივალ და ჩვენებას მივცემ”, -აღნიშნა პოლიტიკოსმა