ე.წ. ხორავას ქუჩის მკვლელობის საქმის მთავარ მოწმეს მიხეილ კალანდიას სასამართლო წესით დაკითხავენ. პროცედურების შესახებ ინფორმაცია კალანდიას საკუთარ ადვოკატთან ერთად გუშინ პროკურატურაში გააცნეს.
კალანდიას გამოკითხვა სასამართლოში მას შემდეგ გადაწყდა, რაც მან საგამოძიებო უწყებაში ამ პროცედურის გავლაზე უარი თქვა.
საქმე ეხება ხორავას ქუჩის მკვლელობის ეპიზოდს, რომელზეც გამოძიება შსს-მ დაიწყო და რომლის ფარგლებშიც მირზა სუბელიანი დააკავეს. უწყებამ უნდა დაადგინოს, ვინ მოკლა დათო სარალიძე.
