მიხეილ კალანდიას ისევ მფარველობას უწევენ – ზაზა სარალიძე მოზარდის დაკავებას ეხმაურება

შსს-ს ინფორმაციით, დაკავებულმა მოზარდმა სასამართლოს კიდევ ერთი ინფორმაცია დაუმალა, რომლის მიხედვითაც სასამართლოში ჩვენების მიცემამდე დ.ღ-ს კომუნიკაცია ჰქონდა ზაზა სარალიძესთან და მას საქმის ფაქტობრივი გარემოებები უამბო. მოგვიანებით კი სასამართლოში მოზარდმა ეს შეხვედრა საერთოდ უარყო.

მოკლული დავით სარალიძის მამაც დარწმუნებულია, რომ დაკავებულმა სასამართლოს ცრუ ჩვენება მისცა და დამალა ფაქტობრივი გარემოებები, რომლებიც გამოძიებისთვის მნიშვნელოვანი იყო.

ზაზა სარალიძე დარწმუნებულია რომ დ.ღ-ზე ზეწოლას მიხეილ კალანდიას ოჯახის წევრები ახდენდნენ, მათ შორის მირზა სუბელიანი.

„მიხეილ კალანდიას ისევ და ისევ მფარველობას უწევენ. იქიდან გამომდინარე რომ აქამდეც დასაკავებელი იყო, მხოლოდ და მხოლოდ იმ ფაქტზე რომ ცრუ ჩვენებები მისცა. რაც შეეხება დღევანდელ დაკავებულ პიროვნებას, არა მარტო ეს პიროვნებაა პასუხისგებაში მისაცემი. პირდაპირ შემიძლია დავადასტურო, რომ ცრუ ინფორმაცია მიაწოდა სასამართლოს, როდესაც კითხვა დაუსვეს ინციდენტის შემდეგ შეხვდი თუ არა ბატონ ზაზა სარალიძეს, უარყო, რომ არ შევხვედრილვარო,“-აცხადებს ზაზა სარალიძე.

banner
წინა სტატიაში„იკვეთება სულ მცირე სამსახურეობრივი გულგრილობა“ – ომბუდსმენი მოზარდების მკვლელობის საქმეზე
შემდეგი სტატია51- სკოლის დირექტორის მოადგილის ინფორმაციით, დაკავებული დ.ღ.-ს მკვლელობის დღეს სისხლის კვალი აღენიშნებოდა