მიხეილ კალანდიას ადვოკატი 12 სექტემბერს ჩანიშნული სხდომის ნაწილობრივ გასაჯაროვებას ითხოვს

region
ავტ.: region აგვისტო 26, 2019 14:46

მიხეილ კალანდიას ადვოკატი 12 სექტემბერს ჩანიშნული სხდომის ნაწილობრივ გასაჯაროვებას ითხოვს

ხორავას ქუჩაზე მოზარდებს შორის მომხდარი მკვლელობის საქმეზე ბრალდებულის, მიხეილ კალანდიას ადვოკატი 12 სექტემბერს ჩანიშნული სხდომის ნაწილობრივ გასაჯაროვებას ითხოვს.

შესაბამისი მოთხოვნით სასამართლოს მან დღეს მიმართა. ადვოკატის განმარტებით, სრულწლოვანების დაკითხვის ნაწილში გასაჯაროება მნიშვნელოვანია მაღალი საზოგადოებრივი ინტერესიდან გამომდინარე.

ზურაბ თოდუა დღესვე საჩივრით სახალხო დამცველსაც მიმართვას. როგორც ადვოკატი განმარტავს, მას საკუთარი უფლებამოსილების სრულყოფილად განხორციელების შესაძლებლობა არ ეძლევა. ზურაბ თოდუას თქმით, გლდანის სასჯელაღსრულების დაწესებულებაში მისი დაცვის ქვეშ მყოფთან შეხვედრა მოსასმენი აპარატებით აღჭურვილ ოთახში უწევს.

„სასამართლოში შემოვიტანე შუამდგომლობა, რომელიც 12 სექტემბერს ჩანიშნული სხდომას ეხება. შუამდგომლობით ვითხოვთ მიხეილ კალანდიას სისხლის სამართლის საქმეზე ნაწილობრივ გაიხსნას პროცესი. მიღებული გადაწყვეტილება სხდომის დახურვის თაობაზე ეწინააღმდეგება როგორც შიდა სახელმწიფოებრივ ნორმებს, ასევე საერთაშორისო სტანდარტებს. კალანდია აღმოჩენილია შეჯიბრებითობისა და თანასწორობის პრინციპის მიღმა და მისი უფლებების პირდაპირი დარღვევაა“, – განაცხადა ადვოკატმა.

მიხეილ კალანდია თბილისში, ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცველებმა 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.

region
ავტ.: region აგვისტო 26, 2019 14:46

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,479
ვიზიტორი
დღეში
Powered By Google Analytics