ახლო აღმოსავლეთში ომის დასრულების შესახებ მიღწეული შეთანხმების შემდეგ, „ჰეზბოლასა“ და ისრაელს შორის შეტაკებების კლებასთან ერთად, ლიბანში 640 000-ზე მეტი იძულებით გადაადგილებული პირი საკუთარ სახლს დაუბრუნდა. ინფორმაციას მიგრაციის საერთაშორისო ორგანიზაცია (IOM) ავრცელებს.
ხუთშაბათს გამოქვეყნებულ ანგარიშში ორგანიზაცია აღნიშნავს, რომ მიუხედავად მასობრივი დაბრუნებისა, კიდევ 500 000-მდე ადამიანი კვლავ დევნილობაში რჩება.
აღნიშნული სტატისტიკა ეყრდნობა მონაცემებს, რომლებსაც მიგრაციის საერთაშორისო ორგანიზაცია ადგილობრივ ხელისუფლებასთან კოორდინაციით, 22 ივნისის შემდეგ აგროვებდა.
