ამერიკული კორპორაცია Microsoft-ი საგრძნობლად ამცირებს თავის ბიზნესს რუსეთში, მაგრამ რუსეთის ბაზარს ამ ეტაპზე არ ტოვებს. ინფორმაციას Bloomberg-ი ავრცელებს. წერს უკრაინული მედია.
„ეკონომიკური პერსპექტივის ცვლილებებისა და რუსეთში ჩვენს ბიზნესზე გავლენის შედეგად, მივიღეთ გადაწყვეტილება, რომ მნიშვნელოვნად შევამციროთ ჩვენი ოპერაციები რუსეთში“, – ნათქვამია კომპანიის განცხადებაში.
კომპანიის წარმომადგენლის თქმით, ბიზნესის შემცირებით 400-ზე მეტი თანამშრომელი დაზარალდება.
Microsoft-ი აცხადებს, რომ რუს მომხმარებლებთან არსებული საკონტრაქტო ვალდებულებების შესრულებას აგრძელებს.
მარტში კომპანიამ შეაჩერა უახლესი პროდუქტებისა და სერვისების გაყიდვა რუსეთში.