ჭყონდიდის ეპარქიის, ცაგრისა და ლენტეხის მიტროპოლიტმა, მეუფე სტეფანემ, ნათლობის საიდუმლოსთან დაკავშირებული წესების გამკაცრების შესახებ განკარგულება გამოსცა.
დოკუმენტის თანახმად, ნათლობა უნდა აღესრულოს მხოლოდ ეკლესიურად, წინასწარი შეთანხმებისა და შესაბამისი მომზადების შემდეგ.
განკარგულებით განისაზღვრა, რომ ნათლობის მსურველთა რეგისტრაცია განხორციელდება როგორც ელექტრონულად, სპეციალურ ელფოსტაზე, ასევე პირადად, ტაძარში. მსურველებმა უნდა წარმოადგინონ ბავშვისა და მშობლების მონაცემები და საკონტაქტო ინფორმაცია.
დოკუმენტში ასევე მითითებულია ნათლიებთან დაკავშირებული მოთხოვნები, რეგისტრაციის წესი და ნათლობის ორგანიზების პირობები. განკარგულება ძალაში 2026 წლის 23 თებერვლიდან შედის.
