მეუფე ქრისტეფორე წამალაიძის შვილი გარდაცვლილი იპოვეს

ქეთი ფერაძე
ავტ.: ქეთი ფერაძე ნოემბერი 7, 2019 12:58

მეუფე ქრისტეფორე წამალაიძის შვილი გარდაცვლილი იპოვეს

ეპისკოპოსი იასონ წამალაიძე საკუთარ ბინის გარეთ, დერეფანში, ოჯახის წევრებმა გარდაცვლილი იპოვეს. იასონ წამალაიძე საქართველოს მართლმადიდებელი ეკლესიის მარგვეთის ეპარქიის ყოფილი მღვდელმთავრის, სინოდის ყოფილი წევრის, ქრისტეფორე წამალაიძის შვილია.

„ჯერჯერობით არაფერია გარკვეული. ამ წუთებში უტარდება ექსპერტიზა. ოჯახმა სრულიად შემთხვევით იპოვა ბინის გარეთ, დერეფანში წაქცეული. რატომ, როგორ, გაურკვეველია. არაფერი არ აწუხებდა ადამიანს. არ ვიცით ჯერჯერობით, ველოდებით ექსპერტიზის შედეგებს,“ – აცხადებს ეპისკოპოსის ოჯახის ახლობელი.

იასონ წამალაიძე 50 წლის იყო და როგორც ოჯახის ახლობელი ამბობენ, ჯანმრთელობას არ უჩიოდა.

გარდაცვლილი ეპისკოპოსი იასონ წამალაიძე სამგორში, მეტრომშენის დასახლებაში მდებარე ეკლესიაში მსახურობდა. ეს ეკლესია მსოფლიო პატრიარქის დაქვემდებარებაშია.

შს სამინისტროს პრესცენტრში აცხადებენ, რომ გამოძიება თვითმკვლელობამდე მიყვანის მუხლითაა დაწყებული.

ოჯახის ახლობლის ცნობით, ამ ოჯახს მას შემდეგ [1980-იანი წლები] რაც ქრისტეფორე წამალაიძე საპატრიარქოს ისტაბლიშმენტს დაუპირისპირდა, არაერთხელ მიუღია მუქარის შემცველი შეტყობინება, თუმცა ის არ არის ინფორმირებული ბოლო დღეებში აგორებული სკანდალების შემდეგ დაემუქრა თუ არა მათ ვინმე.

ინფორმაციას “ნეტგაზეთი” ავრცელებს.

ქეთი ფერაძე
ავტ.: ქეთი ფერაძე ნოემბერი 7, 2019 12:58

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,232
ვიზიტორი
დღეში
Powered By Google Analytics