მეუფე ნიკოლოზი: თუ ლაპარაკია მკაცრ გადაცდომებზე დასჯისას, ეს უკვე კრიმინალური დანაშაულია

კუმურდოსა და კარის მიტროპოლიტი ნიკოლოზი, მეუფე იაკობის მსგავსად ძალადობას ამართლებს. როგორც სასულიერო პირი ამბობს, რთულია ბავშვი ისე გაზარდო, რომ ხელი არ შეახო.

მეუფე ნიკოლოზის თქმით, თუ ნინოწმინდის პანსიონში ძალადობის შემთხვევები არსებობს, ეს კრიმინალური დანაშაულია და სასამართლომ უნდა დაადგინოს.

“მე ვთვლი, რომ ბავშვი ფიზიკურად არ უნდა დასაჯო, ოღონდ ძალიან ძნელია ბავშვი ისე გაზარდო, რომ ხელი არ შეახო, ლამის წარმოუდგენელია. თუ ლაპარაკია მკაცრ გადაცდომებზე დასჯისას, ეს უკვე კრიმინალური დანაშაულია, ეს უნდა დაადგინოს სასამართლომ.

არიან ბავშვები, რომლებიც ამბობენ, რომ გამოყენებული იყო ფიზიკური შეხება, არიან ბავშვები, რომლებიც ამბობენ, რომ არ იყო გამოყენებული. თვითონ ეს ბავშვები, რამდენადაც მე მოვისმინე მათი საუბარი, ამ ბავშვების ყოველთვის ხაზგასმით ამბობენ, რომ მეუფე სპირიდონმა ეს არ იცოდა, რატომ ამბობენ ამას მე არ ვიცი, როგორ არ იცოდა, ესეც არ ვიცი”,-განაცხადა მეუფე ნიკოლოზმა.

რეკლამის ბანერი
წინა სტატიაშიპუტინისა და ბაიდენის შეხვედრა ჟენევაში აგარაკ ლა გრანჟში გაიმართება
შემდეგი სტატიადაპირისპირება ახალქალაქში – დაჭრილია 17 წლის ბიჭი