მეუფე მელქისედეკი (ხაჩიძე): რუსეთის დელეგაციის ჩამოსვლა საქართველოში იქნება რუსული ჯარის საქართველოში შემოსვლის და ჩვენი ქვეყნის სრული ოკუპაცია

თაიმერი timer.ge
ავტ.: თაიმერი timer.ge იანვარი 28, 2020 23:04

მეუფე მელქისედეკი (ხაჩიძე): რუსეთის დელეგაციის ჩამოსვლა საქართველოში იქნება რუსული ჯარის საქართველოში შემოსვლის და ჩვენი ქვეყნის სრული ოკუპაცია

მნიშვნელოვანი

  • რუსეთის დელეგაციის ჩამოსვლა საქართველოში იქნება რუსული ჯარის საქართველოში შემოსვლის და ჩვენი ქვეყნის სრული ოკუპაცია

სხვა სტატიები

ვშიშობ, რუსეთის დელეგაციის ჩამოსვლა საქართველოში (და ამ დელეგაციის წევრებს შესაძლებელია დარღვეული ჰქონდეთ კანონი ოკუპაციის შესახებ), მისი მიღება და ამის გამო საქართველოს მოსახლეობის სამართლიანი პროტესტის გამოხატვა მიზეზი იქნება რუსული ჯარის საქართველოში შემოსვლის და ჩვენი ქვეყნის სრული ოკუპაციის. ნუ იყოფინ…

 

მეუფე მელქისედეკი (ხაჩიძე)

მარგვეთისა და უბისის ეპისკოპისი

 

საქართველოს პრეზიდენტმა სალომე ზურაბიშვილმა ევროპის საბჭოს საპარლამენტო ასამბლეაზე სიტყვით გამოსვლის შემდეგ, ასამბლეის მონაწილეთა კითხვებს უპასუხა.

ასამბლეაზე რუსეთის წარმომადგენელმა ლეონიდ კალაშნიკოვმა სალომე ზურაბიშვილს მიმართა: „საქართველო ყოველთვის იყო სტუმართმოყვარე ქვეყანა, რომელიც მასპინძლობდა საერთაშორისო ორგანიზაციებს. ევროსაბჭოს საპარლამენტო ასამბლეა უნდა გაიმართოს თქვენს ქვეყანაში. თქვენ ასევე უმასპინძლეთ მართლმადიდებელი ქვეყნების კონგრესს, თუმცა სტუმართმოყვარე ქვეყნის პრეზიდენტმა არ დაგმო რუსეთის დელეგაციის წევრის ცემა. თქვენი ქვეყანა ხდება საშიში არა მხოლოდ პოლიტიკური, რელიგიური, ეროვნული უმცირესობების მიმართ, არამედ პარლამენტარებისთვისაც. რა არის ამაზე თქვენი პასუხი?“.

საპასუხოდ, სალომე ზურაბიშვილმა აღნიშნა, რომ ევროსაბჭოს საპარლამენტო ასამბლეასთან დაკავშირებით, „საქართველო აპირებს, გვერდი აუაროს საკუთარ ეროვნულ კანონმდებლობას, რომელიც უკრძალავს საქართველოს ტერიტორიაზე შემოსვლას იმ პირებს, რომლებიც მათი ნებართვის გარეშე იმყოფებოდნენ ოკუპირებულ ტერიტორიებზე“.

ზურაბიშვილის თქმით, რუსეთის პრეზიდენტის მიერ გამოცხადებული პოლიტიკისგან განსხვავებით, საქართველო ის ქვეყანაა, რომელიც პატივს სცემს საერთაშორისო ვალდებულებებს.

აქედან გამომდინარე, ზურაბიშვილის განმარტებით, საქართველო მზადაა, უმასპინძლოს საპარლამენტო ასამბლეას, როგორც ამას ორგანიზაციის პრინციპები და წესები ითვალისწინებს.

„რუსი კოლეგის კითხვა ძალიან საინტერესოა, რადგან შემიძლია, ძალიან მკაფიოდ ვუპასუხო მას. საქართველო არის ქვეყანა, რომელმაც უნდა უმასპინძლოს ევროსაბჭოს საპარლამენტო ასამბლეას მაისში. ამ ღონისძიებისთვის საქართველო აპირებს, გვერდი აუაროს საკუთარ ეროვნულ კანონმდებლობას, რომელიც უკრძალავს საქართველოს ტერიტორიაზე შემოსვლას იმ პირებს, რომლებიც ჩვენი ნებართვის გარეშე იმყოფებოდნენ ოკუპირებულ ტერიტორიებზე. ეს კანონი რუსეთის დელეგაციის ბევრ წევრს შეუზღუდავდა ქვეყანაში შემოსვლას, თუმცა რუსეთის პრეზიდენტის მიერ გამოცხადებული პოლიტიკისგან განსხვავებით, ჩვენ ვართ ქვეყანა, რომელიც პატივს სცემს საერთაშორისო ვალდებულებებს. ვაპირებთ, პატივი ვცეთ საერთაშორისო ვალდებულებებს და მივიღოთ საპარლამენტო ასამბლეა, როგორც ამას ორგანიზაციის პრინციპები და წესები გვკარნახობს. ეს არ არის მარტივი. ამას მარტივად არ იღებს მოსახლეობა, თუმცა ჩვენ ამის გაკეთებას ვაპირებთ, რადგან ვიცავთ ჩვენს პრინციპებსა და ამ ორგანიზაციის წინაშე ნაკისრ ვალდებულებებს“, – განაცხადა სალომე ზურაბიშვილმა.

თაიმერი timer.ge
ავტ.: თაიმერი timer.ge იანვარი 28, 2020 23:04

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,627
ვიზიტორი
დღეში
Powered By Google Analytics