ნიქოზისა და ცხინვალის მიტროპოლიტი ისაია საპატრიარქო კრების მონაწილეებს მიმართავს და იმ ისტორიულ პასუხისმგებლობაზე საუბრობს, რომელიც ეკლესიას დამოუკიდებელი სახელმწიფოს პირობებში აკისრია.
„ჩვენ ახლა ვცხოვრობთ იმ დროსა და ეპოქაში, რომლისთვისაც ჩვენი წინაპრები საუკუნეების განმავლობაში ოფლსა და სისხლს ღვრიდნენ. დღეს გვაქვს ეს დიდი ბედნიერება: სახელმწიფოებრივი და ეკლესიური დამოუკიდებლობა, გვაქვს სახელმწიფო, გვყავს ჩვენი საკუთარი ხელისუფლება და ინსტიტუტები. ახლა კი აქ შევიკრიბეთ, რათა ავირჩიოთ ჩვენი სულიერი მამამთავარი“, — ნათქვამია მეუფის მიმართვაში.
მიტროპოლიტი ხაზს უსვამს, რომ ახალი პატრიარქის არჩევა უდიდესი ვალდებულებაა დიდი წინაპრების წინაშე.
