ჭყონდიდის მიტროპოლიტმა მეუფე გრიგოლ კაციამ,კორონავირუსის პანდემიის გავრცელებასთან დაკავშირებით ზიარებისას საერთო კოვზის გამოყენებაზე გააკეთა კომენტარი.”კოვზიდან არ ვეზიარები მე ,ბარძიმიდან ვეზიარები. ამიტომ არანაირი პრობლემა არ არის.ორიათასი წელი გავიდა სხვადასხვა ჭირი იყო და ადამიანები იკურნებოდნენ.მე როგორც ექიმი ვამბობ,თუ ჩვენ შევალთ პანდემიურ ვითარებაში მაშინ შეიძლება საზიარებლად ერთჯერადი კოვზების გამოყენება,რომელიც შემდეგ დაიწვება, ახლა კი ამის საჭიროებას ვერ ვხედავ, იყოს როგორც არის”,-თქვა მან.
“საქართველოს მართლმადიდებელი ეკლესიის მრევლის ინტერესებიდან გამომდინარე, მსოფლიოში გავრცელებულ ეპიდემიასთან, – კორონავირუსთან (Covid-19) დაკავშირებით განვმარტავთ შემდეგს:
ინტერნეტ-სივრცეში დაიდო ინფორმაცია, თითქოს რუმინეთის ეკლესიამ, ვირუსისაგან თავდაცვის მიზნით, ზიარებისათვის ერთჯერადი კოვზების გამოყენების ნებართვა გასცა, რაც გადამოწმდა და, როგორც მოსალოდნელი იყო, სიმართლე არ აღმოჩნდა.
ზიარებისთვის ერთი კოვზის გამოყენების პრაქტიკა ათასწლოვან ისტორიას ითვლის. ამ ხნის მანძილზე არაერთხელ ქონდა ადგილი სხვა და სხვა სახის სიცოცხლისათვის საშიში ინფექციის გავრცელებას.
ასეთ პერიოდებში მართლმადიდებელი მორწმუნენი არათუ უშინდებოდნენ საერთო ბარძიმიდან საერთო კოვზით ზიარებას, პირიქით, კიდევ უფრო ხშირად მიეახლებოდნენ ამ სიწმინდეს, რადგან, როგორც ყველამ ვიცით, წმინდა ზიარებისას ადამიანი იღებს ქრისტეს წმინდა სისხლსა და ხორცს, – განმწმენდელსა და მაკურნებელს სულისა და ხორცისა. ამასთან, საერთო თაყვანისცემისთვის სამღვდელოება გამოაბრძანებდა ხოლმე საეკლესიო სიწმინდეებს: სახარებას, ჯვრებს, ხატებს, წმინდა ნაწილებს და აწყობდნენ ლიტანიობებს.
სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის კურთხევით სასურველია, კვირას, 1 მარტს, შენდობის ლოცვის წაკითხვის შემდეგ, ყველა ეკლესიაში შედგეს ტაძრის გარშემო ლიტანიობა, ნაკურთხი წყლის სხურება და ხალხის დალოცვა.
თბილისის ყოვლადწმინდა სამების საკათედრო ტაძარში შენდობის ლოცვის მსახურება დაიწყება საღამოს, 1800 საათზე; მისი დასრულების შემდეგ კი კმევით, სახარების, ჯვრების, ხატების შემოტარებით აღესრულება ლიტანიობა და ნაკურთხი წყლით ხალხის დალოცვა”,-ნათქვამია საქართველოს საპატრიარქოს განცხადებაში, რომელიც გუშინ გავრცელდა.
