მეუფე გრიგოლი კორონავირუსთან დაკავშირებით საპატრიარქოსგან კვალიფიციური პასუხების მიღებას ითხოვს

თაიმერი timer.ge
ავტ.: თაიმერი timer.ge მარტი 15, 2020 14:07

მეუფე გრიგოლი კორონავირუსთან დაკავშირებით საპატრიარქოსგან კვალიფიციური პასუხების მიღებას ითხოვს

ჩვენ უნდა ავიღოთ ამ შემთხვევაში პასუხისმგებლობა ჩვენს მრევლზე, იმაზე თუ ეკლესიაში რა მოხდება ისე, რომ ნერონის პერიოდის მსგავსად არ აღმოჩნდეს ეკლესია გამოყენებული, – ასე გამოეხმაურა ფოთისა და ხობის მიტროპოლიტი, მეუფე გრიგოლი ფოთის საკათედრო ტაძარში, საკვირაო წირვის დროს ქვეყანაში კორონავირსთან დაკავშირებულ ვნებათაღელვას.

„არ ვიცი, საპატრიარქო, რომ აკეთებს განცხადებას, ვინ დგას ამის უკან, ვერ გეტყვით ამას. საპატრიარქოს განცხადება როცა კეთდება, იმის მიუხედავად, ვინ აკეთებს ამ განცხადებას, ვინ ამზადებს ტექსტს, რა თქმა უნდა, მთელი პასუხისმგებლობა კათოლიკოს პატრიარქზეა“, – განაცხადა მეუფე გრიგოლმა.

მეუფე გრიგოლის თქმით, მღვდელმთავრები უნდა შეიკრიბონ და ერთიანი პოზიცია შემუშავდეს.

„ვფიქრობ, რომ ნებისმიერი გადაწყვეტილება შეიძლება, ფორსმაჟორში მიიღოს ადამიანმა, ინსტიტუციამ, ხელისუფლების წარმომადგენლებმა, მაგრამ ნებისმიერ შემთხვევაში, როცა ფორსმაჟორი ფილმებში გვინახავს ქვეყანა ინგრევა და არავინ არის იმის უნარის მქონე, რომ შეიკრიბოს თუნდაც საბჭო და იმსჯელოს, ესეთი მოვლენა აქ არ არის. არის იმის საშუალება, რომ მღვდელმთავრები შევიკრიბოთ და ერთიანი პოზიცია შევიმუშავოთ, როგორ მოვიქცეთ. ჩვენ უნდა ავიღოთ ამ შემთხვევაში პასუხისმგებლობა ჩვენს მრევლზე, იმაზე თუ ეკლესიაში რა მოხდება ისე, რომ ნერონის პერიოდის მსგავსად არ აღმოჩნდეს ეკლესია გამოყენებული, რომ აი, ეკლესიაა დამნაშავე, რომ ვირუსი აქტიურად ვრცელდება, ამას სჭირდება არა ერთჯერადი ჭიქებით დაპირისპირება, არამედ ერთობლივი მსჯელობა და გადაწყვეტილება“, – აღნიშნა მეუფე გრიგოლმა.

მეუფე გრიგოლმა აღნიშნა, რომ ისინი ადგილობრივ დონეზე მიიღებენ გადაწყვეტილებას.

„ჩამოვყალიბდებით იმდაგვარად, რაც ჩვენი მრევლისთვის სასარგებლო იქნება, რაც არ დააზიანებს მათ სარწმუნოებას და არანაირად დაამახინჯებს ეკლესიას. ჩვენ მივიღებთ გადაწყვეტილებას ადგილობრივად, ვიდრე ჩვენ მღვდელმთავრები შევიკრიბებით და ვიდრე დასკვნებს ჩამოვაყალიბებთ, რასთან გვაქვს საქმე და როგორ იმოქმედებს ეკლესია. ეკლესიის წინაშე განსაცდელი მრავალჯერ ყოფილა და ემოციური გადაწყვეტილებისგან თავის შეკავება საჭირო იყო, მაგრამ გონივრული რეაქცია ყოველთვის აუცილებელია მიმდინარე მოვლენებზე“, – აღნიშნა მეუფე გრიგოლმა.

 

 

Zveřejnil(a) Berdia Kalandia dne Neděle 15. března 2020

 

 

 

Zveřejnil(a) Berdia Kalandia dne Neděle 15. března 2020

თაიმერი timer.ge
ავტ.: თაიმერი timer.ge მარტი 15, 2020 14:07

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,462
ვიზიტორი
დღეში
Powered By Google Analytics