მეუფე ანტონი – საპატრიარქო მზად არის, დეკანოზ გიორგი მამალაძის შეწყალების მოთხოვნისთვის ნაბიჯი გადადგას

region
: region მარტი 1, 2019 14:51

მეუფე ანტონი – საპატრიარქო მზად არის, დეკანოზ გიორგი მამალაძის შეწყალების მოთხოვნისთვის ნაბიჯი გადადგას

საპატრიარქო მზად არის, დეკანოზ გიორგი მამალაძის შეწყალების მოთხოვნისთვის ნაბიჯი გადადგას, – ამის შესახებ ვანისა და ბაღდათის მიტროპოლიტმა მეუფე ანტონმა №18 ბრალდებულთა და მსჯავრდებულთა სამკურნალო დაწესებულებასთან განაცხადა, სადაც დეკანოზი მამალაძე მოინახულა.

„მივიჩნევ, რომ ​ეს საკითხი აუცილებლად უნდა განვიხილოთ. ვალდებული ვართ, რომ განვიხილოთ შიგნით, ჩვენ ამის რესურსი, შესაძლებლობა და ძალაც გვაქვს. ეს საკითხი თუნდაც იმიტომ უნდა განვიხილოთ, რომ ერთხელ და სამუდამოდ დასრულდეს ამ თემის ირგვლივ მითქმა-მოთქმა და სპეკულაციები. ეს არის შიდა საკითხები, რომელთაც განვიხილავთ. საპატრიარქო მზად არის ყველაფრისთვის, ნაბიჯი გადადგას შეწყალების მოთხოვნაზეც. საპატრიარქოც მზად არის და მღვდელმთავრებიც ყველაფრისთვის მზად ვართ“, – განაცხადა მიტროპოლიტმა მეუფე ანტონმა.

კითხვაზე, რა პოზიცია აქვს თავად დეკანოზ მამალაძეს, როგორც მეუფე ანტონმა განაცხადა, რომ დეკანოზს აბსოლუტურად ჯანსაღი პოზიცია აქვს.

„აბსოლუტურად ჯანსაღ და კარგ პოზიციაზეა. თქვენც იხილავთ მალე, რომ ჩვენ გადავდგამთ ისეთ ნაბიჯს, რომ იგი, რა თქმა უნდა, იქნება შეწყალებული. ამის შესახებ მოთხოვნა გაკეთდება. ვფიქრობ, პრეზიდენტი გადადგამს ამ ნაბიჯს, დანარჩენს იხილავთ“, – განაცხადა მეუფე ანტონმა.

ჟურნალისტებმა ასევე ჰკითხეს, არის თუ არა საჭირო დანაშაული აღიარება დეკანოზის შესაწყალებლად. როგორც მიტროპოლიტმა აღნიშნა, არ სურს, მოვლენებს დაასწროს. მისი თქმით, მსჯავრდებული იტყვის ყველაფერს.

„რა ჰქვია აღიარება. მსჯავრდებული იტყვის ყველაფერს. არ მსურს, დავასწრო მოვლენებს. ჯანმრთელობა არ უწყობს ხელს, მაგრამ უიმედობა არ არის, გამოჯანმრთელდება“, – განაცხადა მეუფე ანტონმა.

კითხვას, ემზადება თუ არა საპატრიარქო დეკანოზ გიორგი მამალაძის შესაწყალებლად, მიტროპოლიტი დასტურით პასუხობს – „რა თქმა უნდა“ – აცხადებს მეუფე ანტონი.

ჟურნალისტებმა მეუფეს ასევე ჰკითხეს, მიაჩნია თუ არა, რომ დეკანოზი გიორგი მამალაძე უდანაშაულოა. და ასევე, როგორია პატრიარქის პოზიცია ამ თემაზე.

„მიმაჩნია, რომ მამა გიორგი უდანაშაულოა.​ პატრიარქის პოზიცია არის დადებითი, როგორც გითხარით“, – განაცხადა მიტროპოლიტმა.

region
: region მარტი 1, 2019 14:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,434
ვიზიტორი
დღეში
Powered By Google Analytics