“არ შემიძლია არ აღვნიშნო და კვლავ ჩემი მადლიერება არ გამოვხატო ყველა იმ ადამიანის მიმართ, რომლებმაც ამ 2-3 დღის განმავლობაში გამოხატა თავისი გრძნობა საქართველოს ეკლესიის მიმართ, საქართველოს წმინდა სინოდის წევრთა მიმართ და ჩემ მიმართ. რაღაც შფოთსა და გაუგებრობას ჰქონდა ადგილი, რომელსაც, სამწუხაროდ, ახლდა რაღაც ჭორები და არის ასეთი გამონათქვამი დიდი სპარსელი პოეტის, ომარ ხაიამისა: „თავს ნუ იმართლებ იმიტომ, რომ მეგობარს შენი ისედაც სჯერა, მტერი კი მაინც არ დაგიჯერებსო“. და ყველას, ვინც თავისი გრძნობით და მხარდაჭერით გამოხატა ის, რომ სჯერა ჩემი, მინდა მადლობა მოვახსენო”,_ განაცხადა გორისა და ატენის მიტროპოლიტმა ანდრია გვაზავამ ქადაგებისას.
28 აპრილს სინოდმა 3 საპატრიარქო კანდიდატი გამოარჩია: საპატრიარქო ტახტის მოსაყდრე მიტროპოლიტი შიო მუჯირი, ფოთისა და ხობის მიტროპოლიტი გრიგოლ ბერბიჭაშვილი და მროველ-ურბნელი მიტროპოლიტი იობ აქიაშვილი. მეუფე შიომ 20 ხმა, დანარჩენმა ორმა კანდიდატმა კი 7-7 ხმა მიიღეს. ერთ-ერთ მათგანს საქართველოს მართლმადიდებელი ეკლესიის გაფართოებულ კრებაზე სრულიად საქართველოს კათოლიკოს-პატრიარქად აირჩევენ.
