მეტროსადგური „გურამიშვილი“ მგზავრებს 15 მარტამდე ვერ მოემსახურება

შპს “თბილისის სატრანსპორტო კომპანია“ განცხადებას ავრცელებს

მეტროსადგური „გურამიშვილი“ მიმდინარე სარემონტო სამუშაოების გამო, მგზავრებს 20 იანვრიდან 15 მარტამდე ვერ მოემსახურება.

მეტროსადგურ „გურამიშვილის“ რეაბილიტაცია 2017 წლის სექტემბრის ბოლოს დაიწყო და ამ დრომდე სამუშაოები ღამის საათებში მიმდინარეობდა. 20 იანვრიდან კი, იწყება ისეთი მასშტაბური სამუშაოები, როგორიცაა სადგურის ვესტიბიულების თაღების ჩამოხსნა და ჩაწნეხვა, დახრილი გვირაბის გაწმენდა, გალესვა, სამღებრო სამუშაოების წარმოება და ა.შ.

ამ პერიოდის განმავლობაში დანარჩენი მეტროსადგურები ჩვეულ რეჟიმში გააგრძელებენ მუშაობას, „გურამიშვილის“ სადგურს კი მატარებლები შეუჩერებლად გაივლიან.

2018 წელს დამატებით ათი მეტროსადგურის რეაბილიტაცია იგეგმება.

თბილისის სატრანსპორტო კომპანია ბოდიშს გიხდით შექმნილი დისკომფორტისთვის.

banner
წინა სტატიაშიილია მეორის ნათლული კიდევ 708 ბავშვი გახდება
შემდეგი სტატიათინა ბოკუჩავა ირაკლი კობახიძის უკრაინაში ვიზიტზე – ეჭვი მაქვს, რომ ყველა მაღალი დონის შეხვედრაზე საუბარი შეეხება სააკაშვილს