პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელიამ შეწყალების კომისიის ყოფილი ხელმძღვანელის ალეკო ელისაშვილის კომენტარის გამო, „რუსთავი 2“-ის ეთერში სიცილი ვერ შეიკავა.ბესელიამ ელისაშვილის, ბრალდებებს “იაფფასიანს” და “მდარე ხარისხიანს” უწოდებს.
„ამ მასხარას სერიოზულად ვეღარ ვუსმენ. მერობაზე მეოცნებე ბიჭუნა, რომელსაც ქალები სძულს და პატიმრებიც სძულს,“ – ამბობს ეკა ბესელია, რომელიც აქვე ალეკო ელისაშვილს “ყველაფრის მკადრებელს”, “მხდალს” და “ლაჩარს” უწოდებს.
ეკა ბესელიას თქმით, პროკურატურამ სერიოზული გამოძიება ჩაატარა და ე.წ. კოკაინის საქმეზე გამოძიება შეწყვიტა.
„პროკურატურამ სამი ექსპერტიზა ჩატარდა და დაადგინა, რომ საერთოდ კონტაქტი არ მქონია შეწყალების კომისიის თავმჯდომარესთან. დაადგინა, რომ არც ერთი ზარი არ შესულა ჩემი ტელეფონიდან,“ – განაცხადა ეკა ბესელიამ, რომელიც ამბობს, რომ პატიმრები ისევ სწერენ პირადად მას ალეკო ელისაშვილის უკანონო ქმედებებთან დაკავშირებით.
https://youtu.be/nfp9fbgG5jw
