გერმანიის მოსახლეობის ნახევარზე მეტი ფედერალურ კანცლერს ანგელა მერკელს ნდობას უცხადებს – TNS Emnid-ის გამოკითხვამ აჩვენა. ექსპერტების მონაცემებით, ქვეყნის გამოკითხული მოსახლეობის 56% თვლის, რომ მერკელს იმ სირთულეების დაძლევა შეუძლია, რომლის წინაშეც ქვეყანა დადგება 2017 წელს.
გამოკითხვა 20 და 21 დეკემბერს ჩატარდა. მასში 1002-მა მოქალაქემ მიიღო მონაწილეობა. 2017 წლის არჩევნებზე მერკელი მეოთხედ აპირებს მონაწილეობის მიღებას. ის გერმანიის მთავრობას 2005 წლიდან უდგას სათავეში.
