გერმანიის კანცლერი, ანგელა მერკელი ბრიუსელს სრულ მხარდაჭერას და თანადგომას დაპირდა ტერორისტების ძებნაში, რომლებმაც ბრიუსელში აფეთქება მოაწყვეს. გერმანია მზად არის “ნებისმიერი სახით” ითანამშრომლოს ბელგიის უშიშროების სამსახურებთან – განაცხადა მერკელმა. მისი თქმით, გუშინ განხორციელებული თავდასხმების შემდეგ “საშინელება უსაზღვროა, ისევე როგორც ტერორიზმის დამარცხების გადაწყვეტილება”. მერკელმა ასევე მიმართა საკუთარ მოქალაქეებს და ისინი დააიმედა, რომ ქვეყანა ყველა შესაძლებლობას გამოიყენებს მათი უსაფრთხოებისათვის.
