თბილისის მერიასთან აუტიზმის სპექტრის დარღვევების მქონე ბავშვების მშობლების აქცია მიმდინარეობს. აქციის მონაწილეები თბილისის მერიის იმ გადაწყვეტილებას აპროტესტებენ, რომლის მიხედვითაც, მათ შვილებს თერაპიისთვის განკუთვნილი დაფინანსება შეუმცირდებათ.
მშობლების თქმით, ამის შესახებ ინფორმირებულები არ ყოფილნა და მერიის გადაწყვეტილება მათი შვილების მდგომარეობას გაართულებს.
აქციის მონაწილეები დედაქალაქის მთავრობის წარმომადგენლებთან ითხოვენ შეხვედრას.
„აუტიზმის სპექტრის დარღვევის მქონე ბავშვთა რეაბილიტაციის“ ქვეპროგრამის განხორციელების წესში ცვლილებები შედის. მერიაში აცხადებენ, რომ ცვლილებების პროექტი უახლოეს დღეებში დედაქალაქის საკრებულოს გადაეგზავნება განსახილველად. ინფორმაციას მერია საკუთარ ვებგვერდზე აქვეყნებს.