მერაბიშვილს „უდოს“ კომისიამ ვადაზე ადრე გათავისუფლებაზე უარი მეოთხედ უთხრა

ირაკლი ვანიშვილი
: ირაკლი ვანიშვილი მაისი 13, 2019 21:14

მერაბიშვილს „უდოს“ კომისიამ ვადაზე ადრე გათავისუფლებაზე უარი მეოთხედ უთხრა

ვანო მერაბიშვილი მატროსოვის ციხეში რჩება. როგორც „რუსთავი 2“ იუწყება, მთავრობის ყოფილ მეთაურს ვადაზე ადრე გათავისუფლების კომისიამ მეოთხედ უთხრა უარი. “კურიერის“ ცნობითვე, 17-გვერდიან დასკვნაში უარის მიზეზებია ჩამოთვლილი. აქედან რამდენიმე ცინიკურად სკანდალურია. ფსიქოლოგების და სოციალური მუშაკების კომისიამ უარის საფუძვლად დაასახელა ის ფაქტები, რომ ციხეში მერაბიშვილმა უარი თქვა და არ ითამაშა – “რა სად როდის,” არ დაწერა ესსე საშობაო თემაზე და არ ჩაერთო სპორტულ აქტივობებში.

სწორედ ამ ჩამონათვალის საფუძველზე სპეციალურმა კომისიამ დასკვნაში ჩაწერა, რომ ყოფილი პრემიერის რესოციალიზაციის დონე არასაკმარისია და საბოლოოდ უარიც თქვა ვადაზე ადრე გათავისუფლებაზე. გადაწყვეტილება სასამართლოში გასაჩივრდება, მანამდე კი პოლიტიკოსები უკვე არაორაზროვნად მიანიშნებენ, რომ ვანო მერაბიშვილი თეა წულუკიანის პირად პატიმრად იქცა. ოპოზიციაში ფიქრობენ, რომ ვანო მერაბიშვილის მიმართ კიდევ ერთხელ დაირღვა კანონი. თავად იუსტიციის მინისტრი კი მიიჩნევს, რომ კომისიას საკმარისი არგუმენტები ჰქონდა უარის სათქმელად.

ადვოკატები ვადამდე გათავისუფლების მორიგ უარს, უახლოეს დღეებში სასამართლოში გაასაჩივრებენ, დღეს ამ საკითხზე სასაუბროდ იურისტები ექსპრემიერს მატროსოვის ციხეში შეხვდნენ.

ირაკლი ვანიშვილი
: ირაკლი ვანიშვილი მაისი 13, 2019 21:14

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


4,438
ვიზიტორი
დღეში
Powered By Google Analytics