ადვოკატ გიორგი ჩივიაშვილის ინფორმაციით, ვანო მერაბიშვილი პირობით ვადაზე ადრე გათავისუფლებაზე უარის გადაწყვეტილებას არ გაასაჩივრებს.
გადაწყვეტილების გადასინჯვა კანონით 6 თვეში ხდება. გიორგი ჩივიაშვილი არ გამორიცხავს, გადაწყვეტილება უფრო ადრე გადაიხედოს:
“პროცედურებში არაა გაწერილი გადასინჯვის თემა. სასჯელაღსრულების კანონში წერია, რომ 6 თვეში გადაისინჯება, თუ სხვა გარემოება არ არსებობს. ამ შემთხვევაში უამრავი გარემოება არსებობს”.
ვანო მერაბიშვილს პირობით ვადაზე ადრე გათავისუფლებაზე უარი 2017 წლის 25 დეკემბერს ეთქვა.
