მერაბ სეფაშვილის ჯამრთელობის მდგომარეობის შესახებ, მისი პროდიუსერი განცხადებას აკეთებს

მერაბ სეფაშვილს ფილტვების ანთება და სეფსისი აქვს – რეანიმაციულ განყოფილებაში არ გადაუყვანიათ, მკურნალობას პალატაში გადის, – ამის შესახებ მომღერალ მერაბ სეფაშვილის პროდიუსერმა გია გოგორიშვილმა „ინტერპრესნიუსთან“ განაცხადა.

მისი თქმით, მომღერლის რეანიმაციულ განყოფილებაში მოთავსების საჭიროება არ დამდგარა, შესაბამისად, ის პალატაშია მოთავსებული.

„უკეთესობაა, სიცხემ დაუწია. დღეს ვესაუბრეთ, შედარებით კარგად საუბრობს. ექიმმა ლევან რატიანმა როგორც გვითხრა, ფილტვების ანთება და სეფსისი აქვს. სეფსისი ჩვენთვისაც „სიურპრიზი“ იყო. პროცესი მიდის, ექიმმა თქვა უნდა ვუმკურნალოთ და მოვერევით, ყველაფერი კარგად იქნებაო. რაც მთავარია, მკურნალობას ექვემდებარება, არ გართულებულა, რეანიმაციულ განყოფილებაში არ გადაუყვანიათ და პალატაში გადის მკურნალობას”, – განაცხადა გია გოგორიშვილმა გავრცელებულ ინფორმაციაზე კომენტირებისას.

წინა სტატიაშიკიევზე თავდასხმის მიზანი, სავარაუდოდ, ფრონტის ხაზზე მებრძოლი უკრაინული ქვედანაყოფებისთვის დასავლეთის სამხედრო აღჭურვილობის მიწოდების შეფერხება იყო – ბრიტანეთის თავდაცვის უწყება
შემდეგი სტატიაჩვენ დავდივართ ევროპაში, ვმუშაობთ კოლეგებთან, რას აკეთებს “ოცნება” ? – ოპოზიციის ბრიფინგი