მექსიკაში კიდევ ერთი მერი მოკლეს -ინფორმაციას Excelsior-ი ავრცელებს.
ჟურნალისტების მონაცემებით, ხოე სანმარიუ სავალუ, რომელიც პუებლის შტატის ქალაქ უეუეტლანის მერი იყო, საკუთარ ავტომანქანაში ჩაცხრილეს. მას ხუთი ტყვია მოხვდა. დანაშაულის მოტივებზე ინფორმაცია არ ვრცელდება.
შეგახსენებთ, რომ 25 ივლისს შეიარაღებულმა პირებმა ასევე მოკლეს ქალაქ პუნგარაბატოს მერი ამბრისიო სოტო დუარტე.