“სანამ ვიქნებით ბოლომდე გულწრფელები, ვიქნებით მართლები და გავიმარჯვებთ. სიმართლე გითხრათ, თუკი რამეზე ნაკლებად მიფიქრია აქ (ციხეში) მიფიქრია მერობის კანდიდატობაზე. თუ რამეზე ნაკლებად მიფიქრია. არ მინდა ახლა მოკლე კომენტარით შემოვიფარგლო ამ საკითხზე, იმიტომ, რომ მინდა-არ მინდა პოზიცია გამიმრუდდება, ამას სჭირდება, ჩემი აზრით, კარგი ინტერვიუ თითოეულ თქვენგანთან (ჟურნალისტთან) და ყველა კითხვაზე ამომწურავ პასუხს გაგცემთ”, – ამის შესახებ “ერთიანი ნაციონალური მოძრაობის” თავმჯდომარე, ნიკა მელიამ კითხვაზე, შეიძლება იყოს თუ არა ის გაერთიანებული ოპოზიციის მერობის კანდიდატი საპასუხოდ განაცხადა. მელიამ რუსთავის ციხე დღეს, 10 მაისს დატოვა.
