„ნაციონალური მოძრაობის“ წევრის, დეპუტატ ნიკა მელიას განცხადებით, ხელისუფლება უზენაესი სასამართლოს მოსამართლეებზე ზეწოლას ახორციელებს, რათა 30 ნოემბერს, ბიძინა ივანიშვილისა და ხელისუფლების სასარგებლოდ უპრეცედენტო გადაწყვეტილება გამოიტანონ.
ნიკა მელიამ აღნიშნულ ფაქტთან დაკავშირებით პარლამენტის რიგგარეშე სხდომაზე ისაუბრა და აღნიშნა, რომ ამ პროცესში ჩართულები არიან – იუსტიციის მინისტრი თეა წულუკიანი, შალვა თადუმაძე, ოთარ ფარცხალაძე და ნინო გვენატაძე.
„მაინტერესებს, თქვენ თუ აცნობიერებთ რა პროცესების ამოფრქვევას უწყობთ ხელს, როცა ამ ყველაფერს ხელის გადაგრეხვით ცდილობთ? რა მოხდება, ხვდებით?! პროცესები ისედაც საკმარისად ბუყბუყებს“, – მიმართა კვირიკაშვილს მელიამ.
